السلام عليكم
اليوم جايب لكم خبر حلو اسعدني الى وهو أن بريدي المفضل hotmail
صار يدعم الغة العربية , وأخير تحقق الحلم !!!
انا ماكتشفت هذ الشيء الى بعد ماحولت على بريد قوقل لكن مع إستخدامي لبريد قوقل ماقدر اترك
بريدي الاول الهوت ميل و دائما تفشل محاولاتي لتركه مو لانه افضل لا بالعكس الى بريد فاشل
على كل المقايس : من امان و خدمات و مساحه لكن هو كان اول بريد امتلكته اول دخولي
لعالم الانترنت واذكر حتى الشخص الي سواهـ لي عامل بمحل صيانه حاسب لاني ماكنت حتى
اعرف اسوي بريد الكلام هذا قبل يمكن ست سنوات تقريبا كنت في قمة السعادة اني امتلكت
بريد من قدي ذاك اليوم المشكلة في Hotmail انه مايتطور الى لما تتطور الشركات المنافسه له
مازاد المساحه الى لما فجر قوقل قنبلته واعطاء مساحه خياليه وهي 2 قيقا كل الشركات تسبق
الهوت ميل دائماً وهو في سبات عميق يعني مثلاً من منكم سمع بخدمة ماسنجر yahoo الجديدهـ
الي ممكن تدخل الماسنجر بدون برنامج من خلال المتصفح حقيقة اذهلتني هذي الخدمة لكن مع
ذلك ومع كل خدمات ياهو الجميله والمميزه ماقدرت أتأقلم معه و السبب يمكن الواجهه بسراحه
صفحة ياهو كلها والالوان والرسومات و إعلانات كثيرة وهذا اكثر شي يزعجني اما غيري
بالعكس يشوفها ممتعه !!! انصح كل شخص يحب الهدوء ينضم لبريد قوقل في قوقل مستحيل تعترض لك
إعلانات مصورة او منبثقه نهائياً إعلانات نصيه وقليله جدا ماتلاحظ مع قوقل راح تعرفون معنى
الهدوء الحقيقي باين اني طولت بالمقدمة الموضوع هو شرح بسيط عبارة عن 15 صورة
لتعريب بريد hotmai اتمنى ينال اعجابكم ويستفيد منه اكبر عدد من الاخوان
اترككم مع الشرح :
اول شيء شوفو هصورة معي
هذي رسالة دعوة تعرض عليك الانظمام للواجهه الجديده اذا موجوده عندك
انتقل معي للخطوة السابعه وإذا مو موجودة عندك تابع معي كيف راح نطلعها .
بسم الله نبداء
إضغط على Options لتعديل الملف
بعدها إضغط على الملف Personal
نضغط على اول خيار الي هو My Profile
راح يطلع لك بعدها بياناتك الشخصيه مثل الاسم والعمر والبلد وغيره
انزل تحت لاخر الصفحه إضغط على save
بعدين إضغط على تسجيل الخروج تسجيل خروج مو تقفيل الصفحه
مثل الصورة الي تحت بعد ماتطلع ارجع ادخل مره ثانيه
راح يطلع لك مربع الدعوه بالون الاخضر اضغط عليه
اخر الصفحة تقاء خيارين اضفط على الي باليسار
الحين انت حولت للواجهه الجديدهـ وطلعت عندك زي هذي الصورة
[IMG]

[/IMG]
الان نجي نحول الغة عربي تابع معي
اضغط على Options
انزل لخيارت الغة الي هي Select language
راح تلقاء لغات كثير انزل تحت موجود العربيه حددها
واضغط save
انتقل الان الصندوق الرسائل
راح تلقاهـ بشكل هذا
مبروك عليك
من مميزات الواجهه الجديدهـ انك تقدر تختار الشكل الي تبي
احمر اخضر بنفسجر وردي فيه الوان كثير
ممكن تختار الشي الي يناسبك ويريح عينك والطريقه هي :
خيارات بعدين السمه وحدد الشكل الي يعجبك واضغط حفظ
وسلامتكم اتمنى اني وفقت بتوصيل المعلومه
يوسف
رابط الموضوع الاساسي
http://www.sultanarwad.com/vb/showth...=9897#post9897